Archive for : Май, 2019

Мәшһүр Жүсіп кесенесіне сапар

Республикалық «Сакралды Қазақстан» картасына енген киелі мекен — Мәшһүр Жүсіп Көпейұлы кесенесі көпшіліктің сүйіп баратын орыны. Кесене  Баянауыл ауданы Мәшһүр Жүсіп ауылынан 15 шақырым жерде орналасқан Ескелді қыратында тұрғызылған.

Мамыр айының 19-шы жұлдызында «Павлодар қаласының отбасы үлгісіндегі балалар ауылы» КММ-ның тәрбиешілері мен тәрбиеленушілері және құрметті меймандар Ескелді шатқалындағы Мәшһүр Жүсіп кесенесіне саяхат жасап қайтты.

Бұл сапар Елбасы Н.Ә.Назарбавтың «Рухани жаңғыру» бағдарламасы аясында жасалған «Туған жер – тұғырым»  және «Тілдік келісім» жобалары шеңберінде ұймдастырылды.

Сапардың мақсаты: қасиетті, киелі орынға саяхат жасау, бабалар рухына тағзым етумен қатар оқушылардың рухани-адамгершіліктік, патриоттық сезімдерін және танымдық қабілеттерін арттыруға бағытталды.

Мәшһүр Жүсіп атаның кесенесіне барып тағзым еткен балаларға «Тілдік келісім» жобасының авторы Шолпан Доктырбайқызы  және мекеме басшысы Кәрімова Гүлбағда Ердешқызы жетекшілік жасады.

Балалар М.Ж.Көпейұлының кесенесіне зиярат жасап, кесенеден соң Мәшһүр Жүсіптің қайта жабдықталған мұражайында болып, ғұламаның өмірі мен шығармашылығы жөнінде білікті мамандардың тарапынан көп мәліметтер тыңдады. Мұражай экспонаттарын тамашалап, ғұламаның ғұмырбаяны мен өнегелі ісінен ғибрат алды. Тәрбиеленушілер мұражай ғимаратында естелік фото суреттерге түсті.

Бұдан соң Мәшһүр бабамыздың әруағына құран бағышталды. Арнайы шалынған құрмалдық етінен ас әзірленіп, сапарға қатысушылар дастарханнан дәм татты. Тамақ дайындау ісіне тәрбиеленушілердің өздері де жұмыла кірісті.

Осы орайда Павлодар облысы жолаушылар көлігі және автомобиль жолдары басқармасы басшысының орынбасары Мұханова Диана Балғабекқызы тиісті нұсқау беріп, барынша қолдау жасағанын атап өткіміз келеді.

Игі сапарға демеушілік көрсеткен Солтаналин Ербол Оналбайұлы өз есебінен көлік құралымен қамтамасыз етіп, барлық жол шығынын толықтай көтерді. Осындай жаны жайсаң, жүрегі жылы демеуші азаматтарға рақмет айтып, істеріне табыс тілейміз. Сондай-ақ, Балалар ауылының ұжымы Баянауыл сапарына тәрбиеленушілерді алып жүрген МАИ қызметкерлері: полиция капитаны М.К. Ахтаев пен полиция старшинасы А.М. Амировке алғысын білдіреді.

Рухани сапар балалар ауылының тәрбиеленушілеріне тың серпіліс сыйлады. Әйгілі ғұламаның рухына тағзым ету «Туған жер – тұғырым»  және «Тілдік келісім» жобалары аясында игі  дәстүрге айналғаны анық.

9 мамыр мерекесін атап өту туралы

Балалар ауылында соңғы бес жылдың жүзінде басшы Кәрімова Гүлбағда  Ердешқызының бастамасымен жыл сайын «Екі жұлдыз» байқауы өткізіп келеді. Конкурс бірнеше кезеңнен тұрады. Іріктеу турында ең дарынды тәрбиешілер мен тәрбиеленушілер іріктеліп алынады. Көрсететін өнер түріне қатысты жауапкершілік, сахына мәдениетін сақтау, әсем дауыс – барлығы іріктеу кезеңінің басты шарттары саналады.

Жыл  сайын бұл байқауға қазылық жасау үшін білікті мамандар, демеушілер, білім және мәдениет саласының өкілдері шақырылады. Биыл облыстық конкурстың екінші кезеңіне танымал композитор, әнші, Республикалық конкурстар қатысушысы – Рамзан Валиев қазылық етті. Ол  бұл байқауға арнайы шақырылғанына рақметін білдіріп, конкурсқа қатысушыларға қызықты нөмірлер ұсынғандықтары үшін алғыс айтты, сонымен қатар балалардың шығармашылықпен алаңсыз айналысуына жағдай жасаған балалар ауылы басшылығына ризалығын жеткізді.

Осы байқауға жыл сайын отбасылық үйлердегі тәрбиеленушілер мен тәрбиешілер әртүрлі аталым бойынша қатысады. Конкурстың қорытынды бөлімі – 9 мамыр – Жеңіс Күніне арналған гала-концертке ұласты.  «Екі жұлдыз» конкурсының жеңімпаздары өздерінің үздік нөмірлері – әскери жылдар әндерін орындады. Жеңіс Күніне арналған концерт әсем билер, әсерлі әндермен тамсандырып, отты жылдары опат болған жауынгерлерді еске алу минутымен көңіл толқытты.

Байқау жеңімпаздары бағалы сыйлақтарға ие болды: Гран-приге қол жеткізген – «Достық» үйіне (Шамиева Т.В. және Ногаев Е.) – телевизор сыйланса, 1-орын  иеленген — «Бірлік» үйіне (Арынова Г.Ш. және Сороколет А.) – қысқатолқынды пеш тарту етілді, 2-орын алған – «Аққайнар» үйіне (Пучкова О.М. и Буцина Я.) – қысқатолқынды пеш берілсе, 3-орынды «Аңсар» үйі (Аугазина А.К., Белянская Е.)  мен «Нұрқанат» үйі (Люфт Л.В., Черевкова Т.) тең бөлісіп, сыйлыққа еттурағыш ұтып алды.

Концертке тыл және еңбек ардагерлері шақырылды. Олар: Мальцев Павел Александрович – фашистік концлагерьдің тұтқыны, Мальцева Елена Васильевна тыл еңбеккері. Концерттік бағдарламадан соң кәсіподақтар  комитеті ардагерлерге мол дастархан жайып, тәттілер мен бауырсақтан дәм татқызып, шай берді, естелік сыйлықтар табыстады. Мереке көпшіліктің көңілінен шықты.

Осындай естен кетпейтін ерекше жарқын шығармашылық коцерт ұйымдастырып, ересектер мен балалардың дарынын паш етуге мүмкіндік жасағаны үшін, Гүлбағда Ердешқызына зор алғыс айтып, үлкен құрмет білдіреміз. «Екі жұлдыз» байқауына ұзақ жылдық ғұмыр тілейміз.

ҚАУІПҚА НАЗАР АУДАРЫНЫЗ

Нашар көретіндерге арналған нұсқа
Нашар көретіндерге арналған нұсқа